Tá sé i gceist ag An Lárionad do Mhisean agus do Mhinistreachtaí misean tréadach na heaglaise a chur chun cinn in Éirinn sa lá atá inniu ann.

Díríonn an obair agus an taighde s’againne ar na réimsí seo a leanas:

· An Diagacht Phraiticiúil

· Múnlú Iomlánaíoch

· Taighde Idirdhisciplíneach

Táimid fréamhaithe sa traidisiún Caitliceach agus faighimid inspioráid ó obair leanúnach an Spioraid Naoimh ar domhan. Tá sé i gceist againn ministrí dea-oilte a chur ar fáil do phobal Dé sa lá atá inniu ann.

Téann ar gcláir i ngleic leis an gcultúr comhaimseartha ina mairimid. Ar an tslí sin, déantar iarracht aghaidh a thabhairt ar dhúshláin mhóra ár linne.

Táthar ag súil go mbeidh ár gcuid oibre ina cuidiú ag paróistí; deoisí agus pobail chreidimh ar fud na tíre agus iad ag fógairt an dea-scéil amach anseo.

Táimid iontach tiomanta don chóir shóisialta agus do chothú na síochána i mbaile agus i gcéin. Chomh maith leis sin, ba mhian linn dialóg a thosú leo siúd a mhaireann ar imeall na heaglaise agus na sochaí.

Cothaíonn ár gcláir na meonta agus na luachanna seo. Cuirtear ar chumas ár gcéimithe machnamh diagachta a dhéanamh ar ár gcomhthéacs comhaimseartha ionas gur féidir leo tabhairt faoi chúram na deisceablachta go héifeachtach amach anseo.

Diagacht Thréadach

Séiplíneacht Cúraim Sláinte

Léann na Diagachta

Liotúirge Tréadach

Cumarsáid Chríostaí & Cleachtas na Meán

Ceol Liotúirgeach

Ministreacht Óige & Spioradáltacht

An Léann Deagánach

Deiseanna Gairme:

Ministir Óige

Séiplíneach Cúraim Sláinte

Deagánach Buan

Liotúirgeoir

Ceoltóir

Ministir Tréadach